საქართველოს პრეზიდენტი გიორგი მარგველაშვილი მწუხარებას გამოთქვამს საოპერო მომღერალის ზურაბ სოტკილავას გარდაცვალების გამო.
"გული დამწყვიტა გამოჩენილი საოპერო მომღერლის ზურაბ სოტკილავას გარდაცვალებამ. ქართულ საზოგადოებასთან ერთად პატივს მივაგებ იმ ადამიანის ხსოვნას, რომლის ნაყოფიერმა შემოქმედებითმა და პედაგოგიურმა საქმიანობამ ხელი შეუწყო ჩვენში საოპერო ხელოვნების პოპულარიზაციას, შემოქმედთა ახალი თაობების აღზრდას, მსოფლიოში ქართული სამუსიკო სკოლის წარმოჩენას", – ნათქვამია გიორგი მარგველაშვილის სამძიმრის წერილში.
ზურაბ სოტკილავა 80 წლისა გარდაიცვალა. ამის შესახებ ინფორმაცია დღეს გავრცელდა.