ამ წუთებში აქცია სამეგრელო-ზემო სვანეთის გუბერნიასთან სიტყვიერი დაპირისპირების ფონზე მიმდინარეობს. აქციის მონაწილეებმა გზის გადაკეტვის გადაწყვეტილება მას შემდეგ მიიღეს, რაც ცნობილი გახდა რომ მოლაპაარაკება უშედეგოდ დასრულდა. 10 კაციანი ჯგუფი გუბერნატორის მოადგილეს შეხვდა, რომლებმაც მოლაპარაკების შემდეგ განაცხადეს, რომ კომპენსაციის გაცემაზე ადგილობრივი ხელისუფლება უარს აცხადებს, იმ მიზეზით, რომ ბიუჯეტში ფული არ არის. „არჩევნებს არ ჩავატარებინებთ, აქ გავშლით კარვებს და დავწვებით“- აცხადებენ აქციის მონაწილეები.