თბილისის ცენტრში, საბურთალოზე, ტაშკენტის 23 ნომერში ყაჩაღობა მოხდა. თავდამსხმელებმა მაღაზია დააყაჩაღეს. არსებული ინფორმაციით, სუპერმარკეტის სალაროდან წაღებულია თანხა. დაშავებულია მოლარე, თვითმხილველების თქმით, თავდამსხმელმა მას თავში ცეცხლსასროლი იარაღი ჩაარტყა და გაიქცა, მაღაზიიდან გამოსვლის შემდეგ, მას რამდენიმე მამაკაცი გაეკიდა უკან, თუმცა, მიმალვა მაინც მოახერხა.
იყო რამდენიმე გასროლაც, თავდამსხმელს მაღაზიის მოლარეების მიმართულებით არ უსვრია, ის უმისამართოდ ისროდა.
შემთხვევის ადგილზე ექსპერტ-კრიმინალისტები მივიდნენ. .
შსს-ს ინფორმაციით, გამოძიება სისხლის სამართლის კოდექსის 179-ე მუხლით დაიწყო, რაც ყაჩაღობას გულისხმობს.
უწყებაში აცხადებენ, რომ ამ დროისთვის დადგენილია თავდამსხმელის ვინაობა, თუმცა, ამ დრომდე არ არის დაკავებული.