ხულოში შავნაბადას მთაზე ტორფის შიდა წვა ისევ მიმდინარეობს.
შინაგან საქმეთა სამინისტროს საგანგებო სიტუაციების მართვის სამსახურის ცნობით, ხულოში სოფელ კვატიაში ბუჩქნარი და ბალახი იწვის. ორივე ტერიტორიაზე მაშველები და მეხანძრეები არიან მობილიზებული.
სოფელ კვატიაში ხანძარი გუშინ შენიშნეს. უწყების განცხადებით, პრევენციული ღონისძიებები მიმდინარეობს და ხანძრის გავრცელების საშიშროება არ არსებობს.