პრემიერ-მინისტრის მიერ მერობის კანდიდატების წარდგენაზე, რომელიც ზუგდიდში, ცენტრალურ მოედანზეა დაგეგმილი, სხვადასხვა მუნიციპალიტეტიდან ჩამოყვანილი ხალხია მობილიზებული. ავტობუსებითა და მიკროავტობუსებით ჩამოსულ „ქართული ოცნების“ ხარდამჭერებს შორის ძალიან ბევრი სკოლის მოსწავლეა. „წამოსვლა გუშინ დირექტორმა გვთხოვა“, „ცეკვის მასწავლებელმა გვთხოვა გუშინ“, „მარტო არ ვართ, ჩვენი დამრიგებელიც აქ არის“, „დღეს დილით დაუერეკეს ჩემს მშობლებს და თხოვეს“- აცხადებენ „ოდიშინიუსთან“ სენაკისა და ფოთის სკოლების მოსწავლეები. ისინი ლურჯ მაისურებში არიან გამოწყობილი, რომელსაც აწერია 41.