გუშინ გვიან საღამოს საქართველოს ხელიუფლებამ მიიღო ინფორმაცია, რომ თურქული გემზე, რომელიც 30 აგვისტოს დააკავეს ლიბიაში, ქართველებიც იმყოფებოდნენ.
საქართველოს საგარეო საქმეთა სამინისტროს ინფორმაციით, ლიბიაში დაკავებული გემის ეკიპაჟის ქართველ წევრებთან დაკავშირებით, ინფორმაციის მოკვლევა მიმდინარეობს.
„გუშინ მივიღეთ ჩვენ ეს ინფორმაცია და მას შემდეგ საგარეო საქმეთა სამინისტრო თავისი არხებით ცდილობს დეტალების გარკვევას“, – განაცხადეს საგარეო საქმეთა სამინისტროს პრესსამსახურში.
საგარეო საქმეთა სამინისტროში არ აკონკრეტებენ ვინ არის ჩართული ინფორმაციის მოკვლევის პროცესში.
დაკავებული მეზღვაურებიდან სამი ქართველია, მათ შორის გემის კაპიტანიც. დაკავება სავარაუდოდ, არალეგალური ტვირთით არალეგალურ ნაოსნობას უკავშირდება.
ცალკე საკითხია, რატომ არ იყო აქამდე საქმის კურსში საქართველოს ხელისუფლება, თუნდაც იმიტომ, რომ გემის კაპიტანი არც ისე უმნიშვნელო ფიგურაა, მით უმეტეს, რომ ცნობა ზანზიბარში დარეგისტრირებული ტანზანიის დროშის ქვეშ მცურავი თურქული გემის დაკავების შესახებ 31 აგვისტოს გავრცელდა მსოფლიო მედიაში,