მავნებელი მწერის განადგურების მიზნით, ხვალიდან მიწის ფართობების შეწამვლის პროცესში ავიაცია ჩაერთვება. – ეს ინფორმაცია გაჟღერდა დღეს პარლამენტის აგრარულ საკითხთა კომიტეტის სხდომაზე, სადაც აზიური ფაროსანას წინააღმდეგ ბრძოლის საკითხებზე მსჯელობენ. სოფლის მეურნეობის მინისტრი ლევან დავითაშვილი დეპუტატებს გატარებული ღონისძიებების ანგარიშს აცნობს.
მისი ინფორმაციით, დასავლეთ საქართველოში მიწის ნაკვეთები სპეციალური პრეპარატებით ყოველდღიურად იწამლება სემსხურებელი აპარატებიდან, მთლიანობაში აზიური ფაროსანას წინააღმდეგ 82 500 ჰექტარი უკვე დამუშავდა. მავნებლების გავრცელების კერებში სოფლის მეურნეობის სამიისტროს დამატებითი ტექნიკაა მობილიზებული. მაგრამ ავიაციის ჩართვა ამ საქმეში გაცილებით ეფექტური იქნება.
ფაროსანას საქართველოში უკვე მეორე წელია ებრძვიან. მიმდინარე წლის მარტიდან აგრარულ საკითხთა კომიტეტის რეკომენდაციით აზიური ფაროსანას წინააღმდეგ ბრძოლამ სახელწმიფო პროგრამის სახე მიიღო. ღონისძიებები ამერიკის შეერთებული შტატების საერთაშორისო განვითარების სააგენტოს პროექტის მხარდაჭერით მიმდინარეობს