უკრაინის შს მინისტრი არსენ ავაქოვი მიიჩნევს, რომ მიხეილ სააკაშვილმა უკრაინაში შესვლა „შეგინის“ გამშვებ პუნქტზე ან საიმიგრაციო სამსახურში უნდა გააფორმოს. ამის შესახებ არსენ ავაკოვმა „ფეისბუქის“ პირად გვერდზე დაწერა.
, „სააკაშვილმა და ყველამ, ვინც უკანონოდ გადაკვეთა საზღვარი ორი ვარიანტიდან ერთი უნდა აირჩიონ: მივიდნენ „შეგენის“ გამშვებ პუნქტზე და პროცედურები გაიარონ და/ან საიმიგრაციო სამსახურის დანაყოფს ეწვიონ“.
ამასთან დასძენს, რომ „საზღვრის გარღვევის ყველა მონაწილე, მათ შორის დეპუტატები, პოლიციაში უნდა მოვიდნენ ჩვენების მისაცემად“, – განაცხადა ავაკოვმა.
„თითოეული პირი, რომელიც მონაწილეობას იღებდა საზღვრის გარღვევაში და მესაზღვრეებზე და პოლიციელებზე თავდასხმაში პასუხს აგებს კანონის საფუძველზე“, – აღნიშნა შს მინისტრმა.
„დეპუტატის ხელშეუხებლობა არ ვრცელდება სისხლის სამართლის დანაშაულზე, ამ შემთხვევაში უკრაინის სახელმწიფო საზღვარზე პირთა არაკანონიერ გადაყვანაზე“, – „ეროვნული ფრონტის“ დეპუტატის, უკრაინის შს სამინისტროს კოლეგიის წევრი ანტონ გერაშენკო „ფეისბუქის“ პირად გვერდზე.
გერაშენკომ დაასახელა დეპუტატები რომლებმაც „პროვოკატორ სააკაშვილთან ერთად უკრაინის საზღვარი არაკანონიერად გადაკვეთეს“: იულია ტიმოშენკო, სერგეი ვლასენკო, იური დერევიანკო, პავლო კოსტენკო და დიმიტრი დობროდომოვი და განაცხადა, რომ მათ პასუხი უნდა აგონ კანონის წინაშე.
„ის, რაც „შეგინში“ მოხდა არა მხოლოდ საზღვრის დარღვევაა, არამედ ზოგიერთი უკრაინელი პოლიტიკოსის უკრაინის სახელმწიფოებრიობაზე მორიგი თავდასხმაა. უკრაინის საზღვრის ძალადობრივი გარღვევა დანაშაულია და ვისაც კავშირი აქვს ამის ორგანიზებასთან პასუხი უნდა აგოს“, – ასე აფასებს უკრაინის პრემიერ-მინისტრი ვლადიმერ გროისმანი გუშინ პოლონეთი – უკრაინის საზღვარზე განვითარებულ მოვლენებს.
უკაინულ მედიასა და ინტერნეტსივრცეში ხელისუფლების ამ წარმომადგენელთა ფეისბუქგანცხადებებს აფასებენ, როგორც ,, მუშტების ქნევას ჰაერში ჩხუბის დამთავრების შემდეგ'' და ,,მუნდირის ღირსების დაცვის მცდელობას''. ,,შეგინში უკვე ვიყავით და ვნახეთ''. – წერს ერთერთი ინტერნეტმომხმარებელი.