შინაგან საქმეთა სამინისტროს კომუნიკაციების დეპარტამენტის ხელმძღვანელი არტემ შევჩენკო აცხადებს, რომ სააკაშვილის მხარდამჭერების მიერ საზღვრის გარღვევაზე რეაგირებას მოახდენენ.
"ვიმოქმედებთ კანონის შესაბამისად"- განუცხადა მან საინფორმაციო სააგენტოებს.
უკრაინის სასაზღვრო სამსახურის ცნობით, ინციდენტის შედეგად ეროვნული პოლიციისა და სასაზღვრო სამსახურის რამდენიმე თანამშრომელი დაშავდა.
მიხეილ სააკაშვილი კი ამასობაში მხარდამჭერებთან ერთად ავტობუსშია ასული და ლვოვის მიმართულებით მიემგზავრება, მას უკან მიყვება მხარდამჭერებით სავსე ავტომანქანების გრძელი კოლონა.
ცოტა ხნის წინ დღეს სააკაშვილმა ინტერვიუ მისცა Newsone- ს და დაადასტურა, რომ ლვოვისკენ მიემგზავრება. ,,ლვოვში შევიკრიბებით და ალბათ, გადავწყვეტთ კიევისკენ წასვლას“, – განაცხადა მან