პოროშენკო და მისი ხელისუფლება აღარ საუბრობს მიხეილ სააკაშვილის საზღვარზე დაკავებასა და საქართველოსი მის ექსტრადიციაზე. როგორც ჩანს, მუნდირის ღირსების დაცვას იგი პასპორტების ჩამორთმევით შეეცდება.
უკრაინის სახელმწიფო სასაზღვრო სამსახურს დავალებული აქვს პასპორტი ჩამოართვას მიხეილ სააკაშვილს – დღეისათვის ბატონ სააკაშვილს აქვს რამდენიმე უკრაინული პასპორტი – ერთი შიდა და ორი საზღვარგარეთული პასპორტი. ანუ დავალებული გვაქვს ჩამოვართვათ ეს პასპორტები, გავაფორმოთ შესაბამისი დოკუმენტები და უკან, იმ ქვეყნის ტერიტორიაზე დავაბრუნოთ იგი, საიდანაც ჩამოვიდა. – ეს განცხადება გააკეთა დღეს დილით სასაზღვრო უწყების ხელმძღვანელის პირველმა მოადგილემ ვასილი სერვატიუკმა ტელეარხ UMN – ის ეთერში.
როგორც უკრაინული მედია წერს, პოროშენკოს ეს მცდელობაც ჩაუვარდება. ამიტომ ჯობდა მუნდირის ღირსებაზე მაშინ ეფიქრა, როცა სააკაშვილის მიმართ ეს ანტიკონსტიტუციური, ანტიდემოკრატიული განაკარგულება გამოსცა.