უკრაინის უშიშროების სამსახურის ყოფილი ხელმძღვანელი და პარტია "სპრავედლივოსტის" ლიდერი ვალენტინ ნალივაიჩენკო აცხადებს, რომ მითითებები, რასაც მესაზღვრეები იღებენ იმისთვის, რომ მიხეილ სააკაშვილი უკრაინაში არ შეუშვან, უკანონოა და ყველას, ვინც მათ შეასრულებს, მოუწევს, პასუხი აგოს.
,,ის, რაც ახლა "კრაკოვეცთან" ხდება, მიუღებელია: "არ შეიძლება, მშვიდად ვუყურებდეთ იმას, რომ მავთულხლართები, სპეცტექნიკა გამოჩნდა არა ქუჩაში კრიმინალების ან ფრონტზე – რუსი აგრესორების წინააღმდეგ, არამედ უკრაინის ერთი მოქალაქის წინააღმდეგ, რომელიც აპირებს, ქვეყანაში შემოვიდეს და თავისი უფლებები დაიცვას.
არ შეიძლება ვუყურებდეთ, როგორ იყენებენ ახლა უკვე მესაზღვრეებს, როგორც სადამსჯელო სისტემას საკუთარი მოქალაქეების წინააღმდეგ. ამას ხომ იანუკოვიჩი აკეთებდა, ოღონდ, ის სახელმწიფო უშიშროების სამსახურსა და "ბერკუტს" იყენებდა. 21-ე საუკუნეში არსებობს უამრავი კანონიერი საშუალება იმისთვის, რომ მავთულხლართებისა და სპეცტექნიკის გარეშე იმოქმედოთ", – მიმართა მან მესაზღვრეებს.