ნაციონალური მოძრაობის წევრის, კოტე იოსელიანის, შტაბს თავს დაესხნენ. უცნობმა პირებმა ოფისის ფანჯარას აგური ესროლეს.
შემთხვევის შედეგად არავინ დაშავებულა. თუმცა, შტაბის წევრები აღნიშნავენ, რომ ეს ბოლო ორ დღეში თავდასხმის მეორე შემთხვევაა. პირველად უცნობმა პირებმა ოფისში ბოთლი შეაგდის, რომელიც ერთ-ერთ ადამიანს სახეში მოხვდა.
თავად კოტე იოსელიანი კი მოხდარში ქართულ ოცნებას ადანაშაულებს და სამართალდამცავებს მომხდარი ინციდენტის სრულფასოვანი გამოძიებისკენ მოუწოდებს.
ჩემს შტაბში 2 დღის წინ შემოაგდეს ბოთლი. დღეს აგური… ივანიშვილის და კალაძის საცეცები ამით ვერ უშველიან ქართული ოცნების აგონიას.იმედი მაქვს, რომ სამართალდამცავები შეძლებენ პოლიტიკური პროცესებისაგან დისტანცირებას და დროულად დააკავებენ დანაშაულის ჩამდენებს. ვერ შეგვაშინებთ! ვეღარ გააყალბებთ! ჩვენ მოვიგებთ!. – წერს კოტე იოსელიანი თავის პირად ფეისბუქგვერდზე
