ვაშლები სკოლებში მხოლოდ ოქტომბრიდან დარიგდება, ისიც მხოლოდ თბილისის ათ სკოლაში. – აცხადებს საქართველოს განათლებისა და მეცნიერების სამინისტროს პროექტების მენეჯერი მაია მუშკუდიანი. მისი ტქმით, კამპანიის ბიუჯეტი და სკოლების დასახელებები ცნობილი ტენდერის გამოცხადების შემდეგ გახდება.
.
"ამ სასწავლო წელს ვაშლების დარიგების კამპანია აუცილებლად გახორციელდება, თუმცა სწავლის პირველივე დღეს 15 სექტემბერს მოსწავლეებს ვაშლები არ დახვდებათ, რადგან ჯერ კიდევ პროცედურები მიმდინარეობს, უნდა მოხდეს ტენდერის გამოცხადება. რადგან ეს საპილოტე პროგრამა და ჯანსაღად კვების კამპანიაა, ვაშლების დარიგებას კვირაში ერთხელ ჯერჯერობით მხოლოდ 10 სკოლაში ვგეგმავთ და ვნახოთ, მომავალში ამ პროექტის ფარგლებში კიდევ რა კამპანია განხორციელდება", – განმარტა მაია მუშკუდიანმა.