უფროს ლეიტენანტ ივერი ბუაძეს წუხელ ბაგრამის კლინიკაში მესამე ოპერაცია ჩაუტარდა

0
409
საქართველოს თავდაცვის სამინისტროს ცნობით, უფროს ლეიტენანტ ივერი ბუაძეს, რომელიც  ბაგრამის საავიაციო ბაზაზე განხორციელებული თავდასხმის შედეგად დაიჭრა  წუხელ მესამე ოპერაცია  ჩაუტარდა. 
 ოპერაციამ კარგად ჩაიარა, თუმცა დაჭრილის მდგომარეობა სტაბილურად მძიმეა. მას დაზიანებები თავისა და ბარძაყის არეში აღენიშნება. იგი ამჟამად  ბაგრამის კლინიკაში, რეანიმაციის განყოფილებაში იმყოფება და მალე სამკურნალოდ გერმანიაში, ლანშტულის ამერიკულ ჰოსპიტალში გადაიყვანენ.  
 
„ამჟამად მიმდინარეობს ტექნიკური სამუშაოები და დაჭრილის მდგომარეობის გაუმჯობესების შემდეგ, მას კიდევ ორ, მსუბუქად დაჭრილ ქართველ სამხედროსთან, სერჟანტ გიორგი წიქარიშვილთან და პირველი კლასის რიგით ირაკლი კუჭუხიძესთან ერთად, გერმანიაში გადაიყვანენ“, – აცხადებენ სამინისტროში. 
 
ავღანეთის ისლამურ რესპუბლიკაში, ბაგრამის საავიაციო ბაზაზე თავდასხმა 6 სექტემბერს თვითმკვლელმა ტერორისტმა განახორციელა. შედეგად, „მტკიცე მხარდაჭერის“ მისიაში მონაწილე საქართველოს შეიარაღებული ძალების II ქვეითი ბრიგადის 23-ე მსუბუქი ქვეითი ბატალიონის სამი სამხედრო მოსამსახურე დაიჭრა. 
წინა სტატიალენტეხი – ბავარის საავტომობილო გზა ჩაკეტილია
შემდეგი სტატიამიხეილ სააკაშვილი: მე მიმაჩნდა, რომ რაც მქონდა, უნდა გამეხადა და ქართველებისთვის ჩამეცვა
ტელეკომპანია ოდიშის საინფორმაციო სამსახური