გუშინ, დილის ცხრა საათზე სოხუმის სანაპიროსთან ზღვაში დაიხრჩო პეტერბურგელი დამსვენელი, 1966 წელს დაბადებული ირინა მარჩენკო. იგი ზღვაზე შვილთან ერთად იმყოფეოდა და სწორედ მან ატეხა განგაში, როცა აღელვებული ზღვის ტალღებში გასაჭირში ჩავარდნილი დედა დაინახა. თვითმხილველთა თქმით, ქალი დინებამ ჩაითრია და მალე დაიკარგა თვალთახედვიდან.
მაშველების ყველა მცდელობა ეშველათ მისთვის, ამაო აღმოჩნდა. სამბალიან შტორმში შედეგი ვერ გამოიღო ცხედრის პოვნის მცდელობამ კატერებით განხორციელებული სამძებრო სამუშაოების გზით. საქმეში მყვინთავები ჩართეს. სწორედ მათ შენიშნეს შუქურას რაიონში, ყოფილი ბეტონის ქარხნის ნანგრევებთან ზღვის ზედაპირზე მოტივტივე ქალის ცხედარი. ქალს უკვე სასიცოცხლო ნიშანი არ ჰქონდა.