ოლიგარქ ბიძინა ივანიშვილის ხეებით დაინტერესება ახალი რომ არ არის, ყველამ იცის, ასევე არახალია ცნობები იმის შესახებ, რომ ყოფილი პრემიერი ზუგდიდშიც ჩამოდის და ადგილობრივებთან ამ თემაზე შეხვედრებსაც მართავს. "ოდიშინიუსის" წყაროს ცნობით, ამჯერად ივანიშვილი ზუგდიდის მუნიციპალიტეტის სოფელ ახალაბასთუმანში იმყოფებოდა, მიზეზი 150 წლოვანი მაგნოლია გახლდათ, რომლის შეძენის სურვილიც გამოთქვა. ჩვენივე წყაროს ცნობით, ამ მიზნით, მოოლაპარაკებები დაწყებულია ხის მეპატრონესთან, თუმცა ამ ეტაპზე უცნობია ო.თ გაყიდის თუ არა ხეს.როგორც "ოდიშინიუსისთვის" გახდა ცნობილი, მაგნოლიაში ოლიგარქი საკმაოდ სოლიდურ თანხას იხდის, ასევე მის სანაცვლოდ შესაძლოა სოფელში შიდა გზები გაკეთდეს.ადგილობრივები შიშობენ, რომ ხის გაყიდვის შემთხვევაში მისი გატანა ტერიტორიიდან გამოიწვევს ინფრასტრუქტურის სერიოზულ დაზიანებას.
ოლიგარქის ფარული ვიზიტი ზუგდიდში და გასაყიდად გამზადებული 150 წლოვანი მაგნოლია ახალაბასთუმანში
Published on