პარტია ,,ბატკოვჩინას'' ლიდერმა იულია ტიმოშენკომ წუხელ ტელეარხ NewsOne -ის ეთერში განაცხადა, რომ 10 სექტემბერს პოლონეთში მიემგზავრება, რომ იქიდან მიხეილ სააკაშვილთან ერთად დაბრუნდეს უკრაინაში.
,,მე პირადად აუცილებლად დავუჭერ მხარს მიხო სააკაშვილს. მე მივემგზავრები. იგი 10 სექტემბერს გეგმავს ძალიან უბრალოდ, მშვიდობიანად ჩამოვიდეს ქვეყანაში და წარმოადგინოს წერილი, სადაც დასაბუთებულია რომ მას სრული უფლება აქვს იცხოვროს უკრაინაში, მიუხედავად იმისა, რომ მოქალაქეობა ჩამოართვეს. და მას აქვს უფლება მივიდეს უკრაინის სასამართლოში, რათა გაირკვეს რამდენად პატიოსნად ჩამოართვეს მას მოქალაქეობა.
მიუხედავად იმისა, რომ ჩვენ პოლიტიკური კონკურენტები ვართ, მე მინდა მის გვერდით დავდგე, რათა დავამტკიცოთ, რომ პოლიტიკური კონკურენციისათვის მიუღებელია პოლიტიკური რეპრესიების ისეთი ბინძური მეთოდები, რომელიც მოქმედმა პრეზიდენტმა გამოიყენა საქართველოს ყოფილი პრეზიდენტის მიმართ.'' – განაცხადა ტიმოშენკომ.
მან ხაზგასმით აღნიშნა, რომ მზად არის ოდესის ადმინისტრაციის ყოფილი მეთაურის მხარდასაჭერად პოლონეთში გაემგზავროს.
,,თქვენ იცით, რომ მიხეილ სააკაშვილს აუკრძალეს საზღვრის გადმოკვეთა და უკრაინის ტერიტორიაზე შემოსვლა, ამიტომ, მე მას ყოველ მიზეზ გარეშე დავუჭერ მხარს ყველგან, სადაც იგი იქნება. ამჟამად იგი პოლონეთშია.''