მექსიკაში 8,1 მაგნიტუდის სიმძლავრის მიწისძვრა მოხდა.
დასავლური მედიის ინფორმაციით, სტიქიამ ქვეყნის სამხრეთი, წყნარი ოკეანის სანაპირო დააზიანა.
მიწისქვეშა ბიძგების ეპიცენტრი წყნარ ოკეანეში, ათი კილომეტრის სიღრმეზე, მექსიკის სანაპიროდან 120 კილომეტრში მდებარეობდა.
მიწისძვრამ მექსიკის პანიკა გამოიწვია. ხალხი ქუჩებში გამოვიდა. მიწისქვეშა ბიძგებმა მეხიკოს ზოგიერთ რაიონში ელექტროენერგიის გათიშვა გამოიწვია.
მსხვერპლის, დაშავებულებისა და ნგრევის შესახებ ინფორმაცია ამ დროისთვის არ ვრცელდება.
აშშ-ის სეისმოლოგიური ცენტრის ცნობით, მექსიკის გარდა ცუნამის საფრთხე გვატემალაში, ელ სალვადორში, კოსტა-რიკასა და ნიკარაგუაში გამოცხადდა.
