მეხუთე დღეა, კახეთში ხანძარს ებრძვიან. თუშეთში, ხახაბოს მთის ფერდობზე ხანძრის ცალკეული უბნები ლოკალიზებულია, დარჩენილ კერებზე კი მეხანძრე-მაშველები კვლავ ცდილობენ ხანძრის ჩაქრობას. ამ დროისთვის ადგილზე 200-ზე მეტი მეხანძრე-მაშველი რჩება. საგანგებო სიტუაციების მართვის სააგენტოს პრესამსახურში აცხადებენ, რომ თუშეთში ავიაციის ჩართვა აუცილებლობას არ წარმოადგენს. ართანაში ხანძრის კერა კვლავ აქტიურია, ხანძრის ქრობაშიდილიდან მხოლოდ ერთი ვერტმფრენია ჩართული. ართანაში, კოხტას მთაზე მობილიზებულია შსს-ს განსაკუთრებულ დავალებათა დეპარტამენტისა და სახანძრო-სამაშველო სამსახურის 500 თანამშრომელი. რამდენიმე საათში ხანძრის ქრობაში ორი ირანული ვერტმფრენი ჩაერთვება. ხანძარი ლიკვიდირებულია შილდის ტყეში.