პარტია „დემოკრატიული მოძრაობის“ ერთ-ერთი ლიდერი, დიმიტრი ლორთქიფანიძე აქვეყნებს ინფორმაციას, რომ წუხელ სახლი დაეწვა.
ცეცხლი 01:30 საათზე გაჩნდა და მას 07:30 საათამდე ებრძოდა მცხეთისა და დუშეთის რამდენიმე ერთეული სამაშველო ბრიგადა
ხანძრის დროს, სახლში მისი მუღლე, შვილები და სიდედრი იმყოფებოდნენ. როგორც დიმიტრი ლორთქიფანიძე წერს, ისინი ბეწვზე გადაურჩნენ კვამლით გაგუდვას და დაწვას ალმოდებულ სახლში.
"მადლობა თითოეულ თქვენგანს გამოჩენილი ყურადღებისა და თანადგომისთვის! ზარები არ წყდება და ქსელშიც უამრავი პასუხგაუცემელი გზავნილი დაგროვდა… ღვთის დიდი წყალობით გადავრჩით უმძიმეს შედეგს, სამი პატარა, მეუღლე და სიდედრი ბეწვზე გადაურჩნენ კვამლით გაგუდვას და დაწვას სახლში, რომელსაც გუშინ ღამით 01:30 ზე გაუჩნდა მოულოდნელად ცეცხლი და დილის 7:30 მდე თბილისის, მცხეთისა და დუშეთის გაერთიანებული ბრიგადები ებრძოდნენ !
იმედი მაქვს, რომ ექსპერტიზა რეალურ ფაქტებთან სრულ შესაბამისობაში დადებს დასკვნას და გამოძიება თავის სიტყვას იტყვის ხანძრის გამომწვევ მიზეზთან დაკავშირებით!" – წერს დიმიტრი ლოთქიფანიძე პირად ფეისბუქგვერდზე
