წულუკიანებმა და შოთაძეებმა უკრაინას პრეზიდენტ სააკაშვილის ექსტრადიციის მოთხოვნა გაუგზავნეს

0
379
"უკრაინამ  საქართველოსგან   მოთხოვნა მიიღო მიხეილ სააკაშვილის ძებნაზე, დაკავებასა და ექსტრადირებაზე.  მთავარი პროკურატურის მოთხოვნა გამოგზავნილია უკრაინის იუსტიციის სამინისტროსა და გენერალური პროკურატურისთვის", – განაცხადა უკრაინის იუსტიციის მინისტრის მოადგილე სერგეი პეტუხოვმა დღეს გამართულ ბრიფინგზე 
 
საქართველოს პროკურატურამ გარანტია მისცა უკრაინის გენერალურ პროკურატურას იმის თაობაზე, რომ მიხეილ სააკაშვილის ექსტრადირების შესახებ მოთხოვნის მიზანი მის მიმართ პოლიტიკური მოტივით დევნა არ არის, – ამის შესახებ უკრაინის იუსტიციის მინისტრის მოადგილე სერგეი პეტუხოვმა განაცხადა.
 
„უკრაინის გენერალურმა პროკურატურამ ქართული მხარისგან გარანტიები მიიღო, რომ პირი პასუხისგებაში არ მიეცემა იმ დანაშაულზე, რომელიც ექსტრადირების მოთხოვნაში ჩამოთვლილი არ არის. ასევე უკრაინის თანხმობის გარეშე ის არ იქნება გადაცემული მესამე სახელმწიფოსთვის და მასთან მიმართებაში დაცული იქნება საქართველოს კანონმდებლობა და საერთაშორისო ხელშეკრულებებით გათვალისწინებული ადამიანის უფლებები“, – განაცხადა უკრაინის იუსტიციის სამინისტროს მოადგილემ. 
 
მისი თქმით, უკრაინის იუსტიციის სამინისტრო ქართული მხარის მოთხოვნას და შესაბამის დოკუმენტებს საექსტრადიციო გამოკვლევისთვის უკრაინის გენერალურ პროკურატურაში აგზავნის.  
 

პრეზიდენტ   სააკაშვილს, რომელიც ამჯამად კოპენჰაგენში იმყოფება და  "ევროპის სახალხო პარტიის" პოლიტიკური ასამბლეის შეხვედრაში მონაწილეობს,  ამ საკითხთან დაკავშირებით კომენტარები ჯერ არ გაუკეთებია 
წინა სტატია,,პილატეს სასამართლო” – ჭყონდიდის მიტროპოლიტი პეტრე ცაავა მოსამართლის მიერ გამოტანილ განაჩენს აფასებს
შემდეგი სტატიაუჩაშიშ ნაძიქუშე გიშნაჭა გიმეიან ბარგი ყურუ ბაღანეფშო – უფროსის ნაშარვლარიდან გამოკერილი ქვედა სამოსი მიამიტი ბავშვებისათვის
ტელეკომპანია ოდიშის საინფორმაციო სამსახური