,,პილატეს სასამართლო” – ჭყონდიდის მიტროპოლიტი პეტრე ცაავა მოსამართლის მიერ გამოტანილ განაჩენს აფასებს

0
428
 ჭყონდიდის მიტროპოლიტი პეტრე ცაავა დეკანოზ გიორგი მამალაძისთვის მოსამართლის მიერ გამოტანილ განაჩენს ”ანტისახელმწიფოებრივად” აფასებს. 
 
როგორც მეუფე პეტრემ საკითხის კომენტირებისას განაცხადა, სასამართლომ აღნიშნული გადაწყვეტილებით ”სუიციდი ჩაიდინა”.
 
”ჩემთვის ეს ნიშნავს, რომ დღევანდელი სასამართლო და ამ სასამართლო პროცესში მონაწილე საერო და სასულიერო პირები არიან პირდაპირი მემკვიდრეები პილატეს სასამართლოსი, რომელმაც უფალ იესო ქრისტეს გამოუტანა ფარისევლური განაჩენი. ჩემი პირადი მოსაზრებაა, ამ შეფასებით მოსამართლემ მთელ მის თაობას და შთამომავლობას და სასამართლოს ჩაადენინა სუიციდი, რომელიც მიუტევებელი ცოდვაა. შევახსენებთ, მათ საუბედუროდ დაავიწყდათ, რომ ბოლო სიტყვას ჩვენს ცხოვრებაში უფალი ამბობს და დაავიწყდათ, რომ ჩვენს ცხოვრებაში მსაჯული არის ქრისტე ღმერთი. ეს არის სასამართლოს თვითმკვლელობა, ანტისახელმწიფოებრივი გადაწყვეტილება, რამეთუ სახელმწიფოს თავისუფლება და ქვეყნის განვითარება სასამართლოს დამოუკიდებლობაზე გადის. ვინაიდან სასამართლო და მოსამართლე დარჩა ზეწოლის და უსამართლობის მონად, ეს არის ანტისახელმწიფოებრივი გადაწყვეტილება”, – განაცხადა მეუფე პეტრემ ”რუსთავი 2”-ის ეთერში.
 
მეუფე პეტრეს შეფასებით, სასამართლო დაექვემდებარა ზეწოლას და ღირსეული სახე ვერ აჩვენა ქართულ საზოგადოებას. 
 
”ჩვენ დღემდე არ გვინახავს სინანულის ნაბიჯი სახელმწიფოს მმართველობის პირველი პირებისა, რომლებიც უპრინციპოდ დებდნენ ბრალს და არღვევდნენ უდანაშაულობის პრეზუმფციას, რომლებმაც ცილი დასწამეს მამაოს დაკავებისთანავე და არ გადაუდგამთ არც ერთი ნაბიჯი სინანულისკენ. სასამართლო დაექვემდებარა მათ ზეწოლას და ღირსეული სახე ვერ აჩვენა ქართულ საზოგადოებას”, – აღნიშნა მეუფე პეტრემ.
 
დეკანოზი გიორგი მამალაძე სასამართლომ დამნაშავედ ცნო და  9 წლით თავისუფლების აღკვეთა შეუფარდა.
წინა სტატია,, რაღაცა შეიძლება იყო…”, ,,ეს გადაწყვეტილება სამარცხვინოა მთლიანად მართლმსაჯულებისთვის ” – სამღვდელოების წარმომადგენელთა რადიკალურად განსხვავებული განცხადებები დეკანოზ მამალაძის განაჩენთან დაკავშირებით
შემდეგი სტატიაწულუკიანებმა და შოთაძეებმა უკრაინას პრეზიდენტ სააკაშვილის ექსტრადიციის მოთხოვნა გაუგზავნეს
ტელეკომპანია ოდიშის საინფორმაციო სამსახური