GEM FEST-ზე ნარკოდანაშაულის ბრალდებით დაკავებულს საპროცესო შეთანხმება გაუფორმდა

0
437
GEM Fest-ის ტერიტორიაზე ნარკოტიკული ნივთიერებების შენახვა-გასაღებისბრალდებით დაკავებულ ბაქარ კორშიას სასამართლო პროცესი დასრულდა. „თეთრი ხმაურის მოძრაობის“ აქტივისტს ზუგდიდის რაიონულმა სასამართლომ 1 წლით თავისუფლების აღკვეთა და 5 წლით პირობითი მსჯავრი მიუსაჯა.როგორც სასამართლოზე გახდა ცნობილი, მხარეებს შორის საპროცესო შეთანხმება გაფორმდა. ბრალდებულს ბიუჯეტის სასარგებლოდ 8 ათასი ლარის გადახდა დაეკისრა. კორშიამ სხდომაზე განაცხადა, რომ ის თავს დამნაშავედ ცნობს. ანაკლია-განმუხურში ელექტრონული მუსიკალური ფესტივალის მიმდინარეობისას GEM Fest-ის მიმდებარე ტერიტორიაზე ბაქარ კორშია ნარკოტიკული საშუალებების განსაკუთრებულად დიდი ოდენობით უკანონო შეძენა-შენახვის ბრალდებით დააკავეს. მას ბრალი 260-ე მუხლის მე-6-ე ნაწილით ედებოდა, რაც 8-დან 20 წლამდე პატიმრობას ან უვადო პატიმრობას ითვალისწინებდა.
წინა სტატიახურჩაში ევროინტეგრაციაზე ისაუბრეს
შემდეგი სტატიამტრედი, რომელსაც ციხეში ნარკოტიკები შეჰქონდა, ლიკვიდირებულია
ტელეკომპანია ოდიშის საინფორმაციო სამსახური