დღეს პარლამენტის საშემოდგომო სესია იხსნება. ოპოზიცია აცხადებს, რომ ,,ქართულ ოცნებას” არ უნდა მიეცეს საკუთარი ახირებების შესრულების საშუალება

0
367
 „გაზპრომთან“ გაფორმებულ ხელშეკრულებასთან  დაკავშირებით დროებითი საგამოძიებო კომისიის შექმნა და  კონსტიტუციის საკითხი – ამ თემებზე მოითხოვენ პასუხს ოპოზიციური პარტიები დღეს ბიუროს სხდომაზე, რომლითაც პარლამენტის საშემოდგომო სესია  იხსნება.
 
„შეიქმნას რამდენიმე თვეა საკითხი ჩამოკიდებულია, მაგრამ ჩვენ ახლა კატეგორიულად მოვითხოვთ, ეს იყოს განხილული, ვინაიდან აღმოჩნდა დამატებითი ფაქტები იმისა, რომ „გაზპრომთან“ დადებული ხელშეკრულება, რომლის ინიციატორი იყო კალაძე, გაცილებით უფრო უარესია, ვიდრე ჩვენ გვეგონა და მან უზარმაზარი ზარალი, მათ შორის ფინანსური, ეკონომიკური და პოლიტიკური მიაყენა ქვეყანას,“ – აცხადებს „ენმ“-ის წევრი რომან გოცირიძე.
 
დღევანდელ ბიუროს სხდომაზე კონსტიტუციაში შესატან ცვლილებებზე ისაუბრებენ  „ევროპული საქართველოს“ ლიდერები.
„მნიშვნელოვანი იქნება უნდა ვეცადოთ და "ქართულ ოცნებას“ არ მივცეთ საშუალება მხოლოდ და მხოლოდ საკუთარი ახირება შეასრულოს და ქართული საზოგადოების და ინტერესების საწინააღმდეგოდ, უარი თქვას დემოკრატიული საარჩევნო სისტემის დამკვიდრებაზე,“ – განაცხადა ირაკლი აბესაძემ
 
არსებული ინფორმაციით, არ არის გამორიცხული დღესვე პარლამენტის ბიუროს სხდომაზე გენერალური აუდიტორის კანდიდატურა დასახელდეს. ვარაუდობენ, რომ  ირაკლი კობახიძე კანონმდებლებს ამ  თანამდებობაზე EBRD-ის მთავარი ბანკირის, ირაკლი მექვაბიშვილის კანდიდატურას შესთავაზებს.
 
დეპუტატები დღესვე სხვა საკითხებსაც განიხილავენ.
 
 
 
წინა სტატიაკახი კალაძის ღამის პოლიტიკა
შემდეგი სტატიავაშლებისა და “სუხარიკების” ბრძოლა სკოლაში – ჯეჯელავა, როგორც ძმები გრიმები და შარლ პერო
ტელეკომპანია ოდიშის საინფორმაციო სამსახური