ხანძარია ხულოში. ცეცხლი მთა შავნაბადაზე ნაძვის ხეებს უკიდია. მიუდგომელი ტერიტორიის გამო ტექნიკის მისვლა ცეცხლის კერებთან შეუძლებელია. გართულებულია უშუალოდ ცეცხლის კერებთან ახლოს მყოფ მაშველებთან სატელეფონო კავშირიც.ადგილზე იმყოფებიან ადგილობრივი ხელისუფლების წარმომადგენლებიც. მათი ინფორმაციით, ცეცხლი დაახლოებით 3 000 კვადრატულ მეტრ ტერიტორიაზეა გავრცელებული. მათივე ცნობით, ხანძრის გავრცელების საშიშროება ამ ეტაპზე არ არის, შესაბამისად, ჯერ-ჯერობით არ განიხილება ოპერაციაში ავიაციის ჩართვის საჭიროება.