საქართველოს 2 მოქალაქე გერმანიაში მატარებელმა იმსხვერპლა. შემთხვევა ადლიგენში მოხდა.
გერმანული მედიის ცნობით, ახალგაზრდა მამაკაცები სადგურში ღამით გადაადგილდებოდნენ, სატვირთო მატარებელს ყურადღება არ მიაქციეს და ის მათ დაეჯახა.
საქართველოს საგარეო საქმეთა სამინისტროში აცხადებენ, რომ მათი დაღუპვის შესახებ ინფორმაციამ საკონსულოს გერმანიის პოლიციამ დაუდასტურა.
გარდაცვლილთა ვინაობას საგარეო უწყებაში ჯერჯერობით არ ასახელებენ., საუბარია მხოლოდ მათ ასაკზე – ერთერთი გარდაცვლილი 27 წლისაა, მეორე – 33-ისა., ერთ-ერთი დაღუპული გერმანიაში თავშესაფრის მაძიებელი იყო.
უწყების განცხადებით, დაწყებულია გარდაცვლილი მოქალაქეების საქართველოში გადმოსვენების პროცედურებზე მუშაობა.
როგორც „ინტერპრესნიუსს“ საქართველოს საგარეო საქმეთა სამინისტროში განუცხადეს, გერმანიის პოლიციამ საქართველოს საკონსულოს დაუდასტურა ინფორმაცია საქართველოს ორი მოქალაქის დაღუპვის შესახებ, რომლებიც ადლინგენიდან როტვაილის მიმართულებით გადაადგილდებოდნენ. დაღუპულთა ოჯახის წევრებს მომხდარის შესახებ ეცნობებათ დადგენილი წესის შესაბამისად. გარდაცვლილთა ვინაობას საგარეო პოლიტიკურ უწყებაში ჯერ-ჯერობით არ ასახელებენ