სამეგრელოში, ლებარდეს უნიკალური ხეობა იჩეხება და ნადგურდება. – წერს სოციალურ ქსელში ლევან თორია.
მისი თქმით, მარტვილში, უმსხვილესი ხე-ტყის საამქროს მეპატრონე კაკო თოდუა სატყეო სააგენტოს მაღალჩინოსნებთან ერთად, მასიურად, ყოველგვარი წესების დაცვის გარეშე, ჭრიან ხეებს ლებარდეს ხეობაში და ირანში გააქვთ..
ლებარდედან საზღვარგარეთ ყოველდღიურად ეზიდებიან ათობით კუბურ მეტრ ხის მასალას პირადი ბიზნეს ინტერესებისთვის – 1 კუბურ მეტრ მასალაში 400 დოლარს იღებენ.
ადგილობრივები ამბობენ, რომ უკანონო ხე-ტყის ჭრის დასამალად, მოჭრილი ხეების კუნძებს ასხამენ სპეციალურ ზეთს, რათა ძველი მოჭრილის იმიტაცია შექმნან.
ასეთივე ვითარებაა ჩხოროწყუს რაიონში, სადაც სახერხი საამქრო აქვს პოლიციის უფროსს ჯუმბერ იზორიას, რომელიც თავდაცვის მინისტრის ლევან იზორიას ბიძაშვილია.
ჩვენი ქვეყნის ბუნებრივ სიმდიდრეს ერთად ანადგურებენ სამეგრელო-ზემო სვანეთის სატყეო სამსახურის უფროსი გოჩა ხორგუანი, რომელიც არის ღარიბაშვილის კურსელი და ივანიშვილთან დაახლოებული პირი; მისი მოადგილე, გოგი დათუნაშვილი, კახა კალაძის მეგობარი; სატყეო სააგენტოს ხელმძღვანელი თორნიკე გვაზავა და სამეგრელო-ზემო სვანეთის გუბერნატორი ლევან შონია. – აცხადებს ლევან თორია.
