მოდულში სახელმწიფო დაცვის სპეციალური სამსახურის ყოფილ ხელმძღვანელს, გენერალ თემურ ჯანაშიას იბარებენ. როგორც ჯანაშია აღნიშნავს, ის დაკითხვაზე სახელმწიფო გადატრიალების საქმეზე 2015 წელს დაწყებული გამოძიების ფარგლებშია დაბარებული.
,,ხვალ პირველ საათზე მოდულში უნდა მივიღო ჩემს მიმართ წარმოებული ფარული საგამოძიებო მოქმედებების შესახებ ინფორმაცია. საქმე რა თქმა უნდა, არც მეტი არც ნაკლები, ქვეყნის გადატრიალების მცდელობას ეხება. ' '- დაწერა თავის პირად ფეისბუქგვერდზე გუშინ თემურ ჯანაშიამ, რომელსაც სასაცილოდ არ ყოფნის დაბარების მოტივი.
როგორც ჩანს, ქართული ,,მართლმსაჯულება'' ოლიგარქ ბიძინა ივანიშვილისა და იუსტიციის მინისტრის თეა წულუკიანის ნებისმებრ აგრძელებს მიხეილ სააკაშვილის წინააღმდეგ ისეთი ახალი საქმის აღძვრა- დასაბუთების შესაძლებლობათა კონვულსიურ ძიებას, რადგან როგორც თავად თეა წულუკიანმა განაცხადა, ეკონომიკური ხასიათის დანაშაული (რომელიც პიჯაკებისა და ,,ნაჩოს პალტოს'' , იუშჩენკოსთვის ძვირადღირებული შამპუნის და აგრეთვე ლეხ კაჩინსკისა და ვაცლავ ჰაველის მემორიალზე მიტანილი გვირგვინების შეძენამდე დაიყვანება – ოდიში ნიუსი) , საკმარისი არ არის, იმისათვის, რომ პრეზიდენტი სააკაშვილი ინტერპოლით ძებნილთა სიაში იქნას შეტანილი და ექსტრადიციას დაექვემდებაროს.