სააკაშვილის უკრაინაში შესაძლო დაბრუნების საკითხით უნდა დაკავდეს შსს, საიმიგრაციო და სასაზღვრო სამსახურები – განაცხადა უკრაინის პრეზიდენტმა პეტრო პოროშენკომ პოროშენკომ – მის მიმართ ისეთივე დამოკიდებულება იქნება, როგორც ნებისმიერი პირისადმი, რომელმაც არასარწმუნო მონაცემები წარმოადგინა.
პოროშენკოს ეს კომენტარი უკავშირდება საქარველოს ექსპრეზიდენტის, უკრაინის ოპოზიციის ლიდერის მიხეილ სააკაშვილის გუშინდელ განცხადებას იმის შესახებ, რომ იგი უკრაინაში დაბრუნებას 10 სექტემბრისთვის გეგმავს.
პოროშენკო შეეხო მიხეილ სააკაშვილისთვის მოქალაქეობის ჩამორთმევის საკითხსაც .
მისი თქმით, როდესაც სახელმწიფო საიმიგრაციო სამსახურმა მოქალაქეობის საკითხთა კომისიაში დოკუმენტები წარადგინა, აღმოჩნდა, რომ სააკაშვილისთვის მოქალაქეობის გაფორმებისას წარმოდგენილი იყო არასარწმუნო, ან გაყალბებული ინფორმაცია. შესაბამისად, კომისიას უნდა ემოქმედა კანონთან და კონსტიტუციასთან შესაბამისად.
„სხვა ყველა ნაბიჯი იქნებოდა დანაშაულებრივი. მე ხელი მოვაწერე ამ ბრძანებას, ისევე, როგორც სხვა მოქალაქეებთან დაკავშირებით“ – განაცხადა პოროშენკომ.