კახეთში, კოხტას მთაზე ხანძარია.
დაკვამლიანების მიხედვით ჩანს, რომ ცეცხლი ართანას ფოთლოვან ტყეს უკიდია.
საგანგებო სიტუაციების მართვის სააგენტოს ცნობით, 112-ში შეტყობინება რამდენიმე ხნის წინ შევიდა და ტყისკენ მეხანძრე-მაშველთა რამდენიმე ჯგუფი მიემართება.
მდგომარეობას ართულებს ის, რომ ტყე ფაქტობრივად გაუვალია და უშუალოდ ხანძრის ადგილამდე მისასვლელად ვლა მეხანძრე-მაშველებს რამდენიმე კილომეტრის გავლა ფეხით მოუწევთ.
"ართანის მახლობლად კოხტას მთაზე გაჩენილ ხანძრის ჩაქრობისთვის დასახმარებლად ვერტმფრენი მოვითხოვეთ, ველოდებით პასუხს", – განაცხადა მუნიციპალიტეტის გამგებლის წარმომადგენელმა ბესიკ გაიპარაშვილმა.
მისი თქმით, კოხტას მთაზე ხანძრის ორი კერაა და მისი გავრცელების საშიშროება დგას. რაც შეეხება ხანძრის გამომწვევ მიზეზებს, მუნიციპალიტეტის გამგებლის წარმომადგენელი ფიქრობს, რომ ის შესაძლოა ღამით, ძლიერი ჭექა-ქუხილის დროს, მეხის ჩამოვარდნით გაჩენილიყო.