ხანძარია ამ წუთებში თუშეთში – ცეცხლი სოფელ ხახაბოს მიმდებარე ტყეს გაუჩნდა.
ადგილობრივების ინფორმაციით, კვამლი ორ ადგილზე ამოდის. მათივე თქმით, ტერიტორია მიუვალია და რამდენად შეძლებენ ადგილამდე მისვლას, არ იციან.
შემთხვევის ადგილზე გასულია თელავის სახანძრო-სამაშველო ბრიგადა. ჯერ-ჯერობით უცნობია, რა მასშტაბს მოიცავს ხანძრის კერა.
ხანძარია ჯუთაშიც. საგანგებო სიტუაციების სამსახურში აცხადებენ, რომ ცეცხლი ბალახს უკიდია.
ადგილზე მობილიზებულია სახანძრო ბრიგადები, ცეცხლს 10 მეხანძრე-მაშველი აქრობს.
საგანგებო სიტუაციების სამსახურში განმარტავენ, რომ ცეცხლის გავრცელების საშიშროება არ არსებობს.
რაც შეეხება ართანას ტყეში დილით გაჩენილ ხანძარს, მის ჩაქრობაში რთული რელიეფის გამო 3 ვერტმფრენის ცარევა გახდა საჭირო. გ. მათ შორის ერთი საქართველოს შს სამინსიტროს ეკუთვნის, ხოლო 2 – ირანს.
ადგილზე 100-მდე მეხანძრე-მაშველია მობილიზებული .