შეეთებულმა შტატებმა რუსეთისგან სან-ფრანცისკოში გენერალური საკონსულოს ხოლო ნიუ-იორკსა და ვაშინგტონში სავაჭრო წარმომადგენლობების დახურვა მოითხოვა. წარმომადგენლობების დახურვა ხვალამდე უნდა დასრულდეს. ამის შემდეგ ორივე ქვეყანაში სამ-სამი საკონსულო იმუშავებს.
შეერთებული შტატების სახელმწიფო დეპარტამენტის განცხადებაში ნათქვამია, რომ გადაწყვეტილება მიღებულია თანასწორობის პრინციპიდან გამომდინარე, მას შემდეგ, რაც რუსეთმა შეერთებული შტატების დიპლომატიური მისიის შემცირება მოითხოვა.
ამერიკის მიერ რუსეთისთვის სანფრანცისკოში, ვაშინგტონსა და ნიუ-იორკში დიპლომატიური წარმომადგენლობების დახურვის მოთხოვნის შემდეგ, აშშ-ს სახელმწიფო მდივან რექს ტილერსონსა და რუსეთის საგარეო საქმეთა მინისტრ სერგეი ლავროვს შორის სატელეფონო საუბარი გაიმართა.
რუსეთის საგარეო საქმეთა სამინისტროს ინფორმაციით, სერგეი ლავროვმა მწუხარება გამოხატა ვაშინგტონის მოთხოვნასთან დაკავშირებით და განაცხადა, რომ ვაშინგტონის ამ გადაწყვეტილებაზე რეაგირებას მოახდენს.
,რუსეთის საგარეო საქმეთა მინისტრმა განაცხადა, რომ საჭიროა გზების ძიება ორმხრივი ურთიერთობების გასაუმჯობესებლად.