ტეხასის დატბორილ ქალაქ ჰიუსტონში ქიმიური ქარხნის აფეთქების საფრთხე არსებობს.ქარიშხალ "ჰარვით“ გამოწვეული ძლიერი წვიმის გამო, კომპანია Arkema-ს ქარხანაში ქიმიური ნივთიერებების გაგრილების სისტემა მწყობრიდან გამოვიდა. კომპანიაში აცხადებენ, რომ ხანძარი გარდაუვალია. ქარხანამ მუშაობა ჯერ კიდევ 25 აგვისტოს შეაჩერა, თუმცა უხვი ნალექის გამო მისი ტერიტორია დაიტბორა, რის შედეგადაც საწარმოს ელექტროენერგია აღარ მიეწოდება. დატბორილია სათადარიგო გენერატორებიც.ქარხანაში არსებული ქიმიური ნივთიერებები მაღალი ტემპერატურის დროს საფრთხეს წარმოადგენს.უსაფრთხოების მიზნით, ჰარისის ოლქში, ქიმიური ქარხნიდან 2,4 კილომეტრის რადიუსში მცხოვრები მოქალაქეების ევაკუაცია განხორციელდა. „ახლა ეს ნივთიერებები შესაძლოა, აფეთქდეს და ძლიერი ხანძარი გამოიწვიოს. ტერიტორიაზე წყლის მაღალი დონე, ასევე ელექტროენერგიის არარსებობა არ გვიტოვებს შანსს, თავიდან ავიცილოთ ეს“, – განაცხადა კომპანიის ხელმძღვანელმა რიჩარდ როუერმა სააგენტო Reuters-თან ინტერვიუში.ამერიკული მედიის ინფორმაციით, ქარიშხალ „ჰარვის“ სულ მცირე 25 ადამიანი ემსხვერპლა. სინოპტიკოსების პროგნოზით, აღმოსავლეთ ტეხასსა და დასავლეთ ლუიზიანაში წვიმა უახლოეს დღეებშიც გაგრძელდება.
სიახლეები
საზოგადოება
უკრაინაში Starlink-ის მუშაობა აღდგა – მედია
უკრაინაში Starlink-ის სამხედრო ვერსიის - Starshield-ის მუშაობა აქტიურად განახლდა და ხარისხი კვლავ უმჯობესდება.
ამის შესახებ...
სიახლეები
ზელენსკის თქმით, უკრაინა რუსეთის ნავთობქარხნებზე იერიშებს განაახლებს
უკრაინის პრეზიდენტ ვოლოდიმირ ზელენსკის თქმით, კიევი რუსეთის ნავთობგადამამუშავებელ ქარხნებზე იერიშებს განაახლებს. ამის შესახებ მან...
სიახლეები
აჭარასა და სამეგრელოში ხორცპროდუქტების მწარმოებლებს დარღვევების გამო საწარმო პროცესი შეუჩერდათ
სურსათის ეროვნული სააგენტოს სამეგრელო-ზემო სვანეთისა და აჭარის დეპარტამენტების ინსპექტორებმა ხორცპროდუქტების საწარმოებში სახელმწიფო კონტროლი განახორციელეს.
სურსათის...
სიახლეები
25 ოქტომბერს, 19:00 საათზე, ოპოზიციის ალიანსი ერთობლივ კამპანიას იწყებს
ქართველი ხალხი უკეთესს იმსახურებს! საქართველო ივანიშვილის გარეშე! - 25 ოქტომბერს ოპოზიციის ალიანსი ერთობლივ კამპანიას...