კიევში რუსი ჟურნალისტი გაიტაცეს. ამის შესახებ სააგენტო ,,რია ნოვოსტ" იტყობინება. გავრცელებული ინფორმაციით, ანა კურბატოვა დღეს დილით გაუჩინარდა.ორი დღის წინ რუსეთის პირველი არხის ჟურნალისტი უკრაინულ საიტ „მირატვორეცის“ ბაზაში მოხვდა. ის ტენდენციური სიუჟეტების მომზადებაში დაადანაშაულეს. სხვა დეტალები ჯერჯერობით უცნობია.„ანა კურბატოვა კიევის ცენტრში გაიტაცეს. ჩვენ ვერ ვუკავშირდებით მას. ჩვენი კოლეგა უცნობ პირებმა მანქანაში ჩასვეს და წაიყვანეს გაურკვეველი მიმართულებით. ჩვენი მონაცემებით, ანა კურბატოვა უკრაინის უსაფრთხოების სამსახურმა დააკავა“, – ნათქვამია პირველი არხის განცხადებაში. განცხადებაში ასევე აღნიშნულია, რომ ჟურნალისტთან მიმართებაში მუქარებს ჰქონდა ადგილი.