11 და 12 სექტემბერს ლიტერატურის დარგში ნობელის პრემიის 2015 წლის ლაურეატი, ბელარუსი მწერალი სვეტლანა ალექსიევიჩი თბილისს ეწვევა და მკითხველს შეხვდება.
შეხვედრა 12 სექტემბერს, 19:00 საათზე, რუსთაველის თეატრის მთავარ სცენაზე გაიმართება.
ღონისძიებაზე დასწრების მსურველებმა 2 და 3 სექტემბერს 12:00-დან 18:00-მდე უნდა ეწვიოთ "ინტელექტის" ოფისს, სადაც უფასო ბილეთები დარიგდება. თითო ადამიანზე გაიცემა მაქსიმუმ სამი ბილეთი, თან უნდა იქონიოთ პირადობის დამადასტურებელი მოწმობა.
სვეტლანა ალექსიევიჩი არის ბელორუსი მწერალი, ჟურნალისტი და დოკუმენტური კინოს სცენარისტი. ლიტერატურის დარგში ნობელის პრემია 2015 წელს მიიღო. მისი წიგნების უმეტესობა დაწერილია საბჭოთა კავშირის გვიანი წლებსა და პოსტსაბჭოთა ეპოქის შესახებ. მისი ყველაზე ცნობილი წიგნებია "ომს არა აქვს ქალის სახე", "ცინკის ბიჭუნები", "ჩერნობილის ლოცვა", "სექონდ-ჰენდის დრო"