მთავარისიახლეებისაზოგადოებაკოკისპირული წვიმა და ქარიშხალი სოხუმში. ბომბორას ელექტროგადამცემი ხაზი მეხამრიდმა ჩაწყვიტა

კოკისპირული წვიმა და ქარიშხალი სოხუმში. ბომბორას ელექტროგადამცემი ხაზი მეხამრიდმა ჩაწყვიტა

Published on

დღეს სოხუმში   კოკისპირული წვიმა მოვიდა – დატბორილია ქუჩები, წყალი მოსახლეობას სახლებში შეუვარდა, ტიტოვის ქუჩაზე პრაქტიკულად არ არის სახლი, სადაც წყალი პირველი სართულების შუაწელს არ უწევს. ქარიშხალმა წააქცია ხეები, მათი დაცემისგან დაზიანებულია მანქანები,   ქარმა გადაგლიჯა და წაიღო სახურავები,  ძალიან მძიმე სიტუაციაა შექმნილი, ახლა ძნელია მოსახლეობის მიერ განცდილი ზარალის მასშტაბების განსაზღვრა  -აცხადებს ოკუპირებული აფხაზეთის საგანგებოს სიტუაციები მინისტრი ლევ კვიწინია.  
 
 
წყლის დონემ  მდინარე აძაფშის კალაპოტში სამ მეტრს მიაღწია, წყალმა წაიღო ან დაანგრია მიმდებარე სახლები.
 
,, ეს მდინარე ადრეც ადიდებულა, მაგრამ სგავსი რამ მოსახლეობას არ ახსოვს. ყველაფერი, რაც მოსახლეობამ საზაფხულო სეზონისათვის, ტურუსტებისთვის მისაქირავებლად გააკეთა, როგორც გადატანითი, ისე პირდაპირი მნიშვნელობით წყალმა წაიღო, გადასაყრელია საყოფაცხოვრებო ტექნიკა, რომელიც მოსახლეობას პირველ სართულზე ედგა, რაც მოვასწარით ზევით ავიტანეთ, მაგრამ ბევრმა ესეც ვერ მოსწრო, რამდენჯერ მიგვიმართავს ქალაქის ხელისუფლებისათვის , ამოეწმინდათ მდინარის კალაპოტი, მაგრამ რაც გააკეთეს  სახეზეა'' – ამბობს რკინიგზის ქუჩის მკვიდრი ჟანა კვიწინია სააგენტო ,,აფსნი რუ''-სთან საუბარში. 
 
 
სრულიად განსაკუთრებული პრობლემები შეიქმნა მოსახლეობისათვის ელექტროენერგიის მწოდებაში, ქარიშხალმა მოგლიჯა ან წაქცეულმა ხეებმა  ჩაწყვიტა ელექტროგადამცემი ხაზები. გუდაუთის რაიონში, ბომბორას დასახლებაში ელექტროგადამცემ ხაზს მეხამრიდი მოწყობილობის გვარლი დაეცა და ჩაწყვიტა. ავარიის ადგილზე გასულმა ბრიგადებმა, რამდენიმე საათში  შეძლეს რაიონისთვის ელექტროენერგიის მიწოდების აღდგენა. თუმცა აფხაზეთის ზოგიერთი რაიონი კვლავ უშუქოდ რჩება. 
 
ლევ კვიწინიას განაცხადებით, საღ ამოსთვის ქუჩებიდან გაიტანენ წაქცეულ ხეებს  და ტრანსპორტის მოძრაობა, რომელიც ამის გამო დილიდან შეფერხებულია, აღდგება.  
 


 

 

სიახლეები

საერთოდ ჩაიტანოს თუ უნდა დედამიწამ! – ნიკა გვარამია ივანიშვილზე

„კოალიცია ცვლილებისთვის“ ლიდერი ნიკა გვარამია აცხადებს, რომ მხარს უჭერს დიდი ბრიტანეთის მთავრობის მიერ ტელეკომპანიების...

ქვემო ფონიჭალაში მომხდარ აფეთქებაზე გამოძიება დაიწყო

ქვემო ფონიჭალაში მომხდარ აფეთქებასთან დაკავშირებით გამოძიება სისხლის სამართლის კოდექსის 240-ე პრიმა მუხლის პირველი ნაწილით...

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა. ამის შესახებ ინფორმაციას რუსული...

გერმანიის საელჩო “რუსთავი 2-ს” დეზინფორმაციის გავრცელებაში ადანაშაულებს

გერმანიის საელჩო ტელეკომპანია „რუსთავი 2-ს“ დეზინფორმაციის გავრცელებაში ადანაშაულებს. დიპლომატიური უწყების განცხადებით, ტელევიზიამ საქართველოს მეხუთე...