ზუგდიდ-ცაიშის ეპარქიის ეპისკოპოსი ადასტურებს, რომ ათენიდან მიღებულია წერილი, რომელშიც გამოთქმულია თხოვნა ღვთისმშობლის კვართის ათონის მთაზე ერთი თვით გადაბრძანების შესახებ.
ინფორმაცია საბერძნეთიდან მიღებული წერილის შესახებ გუშინ გავრცელდა და ზუგდიდში მრევლის აღელვება გამოიწვია .
მეუფე გერასიმე მრევლს განუმარტავს, რომ საქართველოს საპატრიარქო არ გასცემს თანხმობას კვართის გადაბრძანებაზე.
ვიდრე ბერძნული მხარე ღვთისმშობლის კვართის ათონის მთაზე გადაბრძანების სურვილს გამოთქვამდა, მარიამობის დღესასწაულზე სიწმინდის ხობის ტაძარში გადატანის სურვილი ფოთის და ხობის მიტროპოლიტმა გამოთქვა, რასაც ზუგდიდ-ცაიშის ეპარქიისა და ადგილობრივი მრევლის ხმაურიანი უკმაყოფილება მოჰყვა. ბევრი ღიად გამოთქვამდა შიშს, რომ კვართის გადაბრძანება ხობში შექმნიდა პრეცენდენტს და იგივეს მოითხოვდა მრევლი სხვა ეპარქიებშიც – მსგავსი რიტუალური გადასვენებების პროცესში კი კითხვის ნიშნის ქვეშ დადგებოდა ზოგადად მისი დაცულობისა და ზუგდიდისთვის მისი დაბრუნების საკითხი.
და აი, კვართის ათონის მთაზე გადაბრძანების თხოვნაც გამოჩნდა. ის დროა, ხობიცა და ზუგდიდიც შეთანხმდნენ, როგორ იმოქმედონ ისეთ შემთხვევაში, თუ ათენის თხოვნაზე უარის თქმა ვინმეს გაუჭირდა