ბორჯომის ხეობაში მდინარე გუჯარულაში ჩავარდნილი ვერტმფრენი წყლიდან ამოიყვანეს.
სასაზღვრო პოლიციის ვერტმფრენს, „მი – 8“ – ს პეციალური ტექნიკით თბილისში ექსპერტიზისთვის გადმოიტანენ. დღესვე უნდა დადგინდეს, რა ზარალი მიადგა სახელმწიფოს ვერტმფრენის ავარიულად დაშვების გამო.
მდინარეში გაკეთებულ სპეციალურ აუზში წყლის დონის დასაწევად სამუშაოები გუშინ მთელი ღამის განმავლობაში მიმდინარეობდა. .საქართველოს შინაგან საქმეთა მინისტრის განცხადებით, მთლიანად დაიწრიტა წყალი, რომ გაჟონილი საწვავს მდინარე არ დაებინძურებინა.
ჯერჯერობით უცნობია, ამოიღეს თუ არა პილოტისა და მართვის ცენტრის ჩანაწერები.
. მომხდარზე გამოძიება შსს-მ სისხლის სამართლის კოდექსის 275-ე მუხლის პირველი ნაწილით დაიწყო.
ამ წუთებში ბორჯომის წყალში ჩავარდნილი ვერტმფრენის პილოტების დაკითხვა მიმდინარეობს.
ბორჯომის ხეობაში, ვერტმფრენის ამოყვანის სამუშაოებს შინაგან საქმეთა მინისტრი, ასევე საგანგებო შტაბის სხვა წევრები აკვირდებოდნენ.