დღეს დილით ბორჯომის ხეობაში ქართული ვერტმფრენი „მი 8“ ჩამოვარდა. ვერტმფრენი წყლის ავზის ავსებისას წყალში ჩავარდა. აღნიშნული ვერტმფრენი ბორჯომის ხეობაში სტიქიის სალიკვიდაციო სამუშაოებში პირველივე დღეებიდან იყო ჩართული.
არსებული ინფორმაციით, ეკიპაჟის სამი წევრთან ერთად ვერტმფრენში სამაშველო ღონისძიებაში მონაწილე კიდევ ერთი პირი იმყოფებოდა. მათ შედარებით მსუბუქი დაზიანებები მიიღეს დაისინი თბილისში, ღუდუშაურის საავადმყოფოში გადაჰყავთ.ექიმები აცხადებენ, რომ მათ სიცოცხლეს საფრთხე არ ემუქრება.
ვერტმფრენის ჩამოვარდის ადგილზე მივიდა შინაგან საქმეთა მინისტრი, ასევე ექსპერტ-კრიმინალისტები და გამომძიებლები. პარალელურად, ვერტმფრენის წყლიდან ამოყვანის სამუშაოები მიმდინარეობს. ტრაქტორებს და შესაბამის ტექნიკას გზა გაჰყავთ, რათა ამწეს წყლიდან ვერტმფრენის ამოყვანის საშუალება მიეცეს