ოკუპირებულ გალში, სოფელ თაგილონში რუსეთის ფსბ აფხაზეთის სასაზღვრო სამმართველოს თანამშრომლებმა ე.წ. საზღვრის უკანონოდ გადაკვეთის ბრალდებით დააკავეს 1975 წელს დაბადებული მ. ცუშბაია. – ინფორმაციას ამის შესახებ ე.წ. სასაზღვრო სასამართლოს პრესსამსახურზე დაყრდნობით „სპუტნიკ აფხაზია“ ავრცელებს.
ცუჟბაიამ, რომელსაც არ ჰქონდა აფხაზეთის სახელმწიფო საზღვარზე გადმოსვლისათვის საჭირო დოკუმენტები შეგნებუად დააღვია საზღვარი საქართველოსა და აფხაზეთს შორის საკონტროლო – გამშვები პუნქტის გვერდის ავლით. საქართველოს მოქალაქე ცუშბაიამ ეს მეორედ ჩაიდინა. იგი ორი წლის წინათ, 2015 წელსაც იყო დაკავებული იგივე მიზეზით.- იგი მაშინ სასაზღვრო რეჟიმის დარღვევისათვის გაძევებულ იქნა აფხაზეთის რესპუბლიკის ფარგლებს გარეთ . განმეორებითი დარღვევისათვის დაკავებული გადაეცა აფხაზეთის რესპუბლიკის კომპეტენტურ ორგანოებს.- ნათქვამია სასაზღვრო სამმართველოს განცხადებაში.
საქართველოს უსაფრთხოების სამსახურში ადასტურებენ ინფორმაციას მოქალაქე ცუშბაისა დაკავების შესახებ. უწყების განცხადებით, ფაქტის შესახებ ინფორმირებულია ევროკავშირის სადამკვირვებლო მისია. ამოქმედებულია ცხელი ხაზი და მიმდინარეობს მუშაობა მის გასათავისუფლებლად..