,,მე ვერ გავუსწრებ მოვლენებს, ბორჯომის ხეობაში ხანძრის გამომწვევ მიზეზებისა და გარემოებების დეტალური გამოძიება მიმდინარეობს და საზოგადოება მის შედეგებს უნდა დაელოდოს – განაცხადა შინაგან საქმეთა მინისტრმა გიორგი მღებრიშვილმა.
რაც შეეხება ზარალს და ხანძრის შედეგად განადგურებულ ფართობს, შს მინისტრის თქმით, დამწვარი ტერიტორიის აღრიცხვა ამჟამად მიმდინარეობს და ზარალის შესახებ ინფორმაცია მოგვიანებით გავრცელდება.
მღებრიშვილმა მადლობა გადაუხადა ხანძრის სალიკვიდაციო სამუშაოებში ჩართულ ადამიანებს და განსაკუთრებით პრემიერ-მინისტრს, რომელიც ,,ბოლომდე იდგა ამპროცესში და განსაზღვრა ხელისუფლების კოორდინაციის საკმაოდ მაღალი ხარისხი.''
დღესაც იგივე რაოდენობა ვრჩებით ადგილზე, რაც აქამდე ვიყავით. აქ იმყოფება ასევე თავდაცვის სამინისტრო და სამხედროები. ჩვენ ვაგრძელეთ ტერიტორიების მონიტორინგს. მოგვიწევს რამდენიმე დღე კიდევ დარჩენა, რათა ახალი კერები არ გაჩნდეს .
აქ რჩება ავიაციაც, თუმცა იმ დოზით აღარ გამოვიყენებთ, რაც აქამდე გამოვიყენეთ, რადგან დღეს ძირითადად ხმელეთზეა სამუშაო ცოცხალი ძალის მეშვეობით''. – განაცხადა მღებრიშვილმა.
მინისტრმა ბორჯომის ხეობაში გასული ღამე შეაჯამა და აღნიშნა, რომ დილიდან მიმდინარეობს მცირე კერების დამუშავება.