ვაზიანში, რკინიგზის მიმდებარე მინდვრებში ბალახს ცეცხლი წაეკიდა. ხანძარი ვაზიანის სამხედრო ბაზის ტერიტორიაზეც გავრცელდა . – ინფორმაციას ამის შესახებ ინტერპრესნიუსი ავრცელებს.
როგორც შინაგან საქმეთა სამინისტროს საგანგებო სიტუაციათა დეპარტამენტში აცხადებენ, დამწვარია 10-15 ჰექტარი მიწის ფართობი. მათივე ინფორმაციით, ხანძარი უკვე ლოკალიზებულია. დარჩენილია ცეცხლის ცალკეული კერები, რომელსაც მეხანძრეები ამ წუთებშიც აქრობენ.
ადგილზე 4 სახანძრო-სამაშველო ჯგუფი მუშაობს. ხანძრის სალიკვიდაციო სამუშაოებში ცეცხლის ჩაქრობაში ვაზიანის სამხედრო ბრიგადის სამხედრო მოსამსახურეებიც მონაწილეობენ.