ცენტრალური საარჩევნო კომისია დედაქალაქის მერობის დამოუკიდებელი კანდიდატის, ალეკო ელისაშვილის განცხადებას პასუხობს იმის თაობაზე, რომ ცესკოში რეგისტრაციის ბლანკს დროულად არ ძლევდნენ.
ალეკო ელისაშვილს აბსოლუტურად, ყველა დოკუმენტაცია, რაც იყო გადასაცემი, კანონის სრული შესაბამისობით მიეწოდა. დოკუმენტები დაგვიანებით მიწოდებული არანაირად არ ყოფილა. სწორედ ამიტომ, არასამთავრობო ორგანიზაციებს, ჩართულ მხარეებს შესაძლებლობა აქვთ დააკვირდნენ პროცესს და ასეთ საკითხებზე დასკვნები თავად გამოიტანონ’’, – განაცხადა ცესკოს პრესსპიკერმა ანა მიქელაძემ.
თბილისის მერობის დამუკიდებელი კანდიდატის, ალეკო ელისაშვილის განცხადებით, ცესკოში რეგისტრაციის ბლანკებს თვენახევრის განმავლობაში ითხოვდა, თუმცა არ აძლევდნენ.
,,’’რეგისტრაციას „გვიხარვეზებდნენ“.მხოლო გუშინ მოგვცეს სამი ფარატინა ბლანკი. ცესკო ფეხდაფეხ მიჰყვა ხელისუფლების თამაშს. გათვლა ჰქონდა, რომ ამოვეგდე რეგისტრაციიდან, – განაცხადა ალეკო ელისაშვილმა, რომელსაც სულ რამდენიმე დღე რჩება ამომრჩეველთა ხელმოწერის შეგროვებისათვის. თბილისის მერად რეგისტრაციისთვის მან ცესკოს 1-ელ სექტემბრამდე უნდა წარუდგინოს ამომრჩევლის 10 000 ხელმოწერა