”საქართველოს ახალგაზრდა იურისტთა ასოციაცია” წინასაარჩევნო გარემოს მონიტორინგის პირველ შუალედურ ანგარიშს აქვეყნებს. საანგარიშო პერიოდი 2017 წლის 1-ელი ივნისიდან – 31 ივლისამდე პერიოდს მოიცავს.
საია-ს ინფორმაციით, საანგარიშო პერიოდში დაფიქსირდა ფიზიკური ანგარიშსწორების 2, აგიტაციაში ხელშეშლის 2, სავარაუდო პოლიტიკური ნიშნით ზეწოლის 1 და სავარაუდო პოლიტიკური ნიშნით გათავისუფლების 1 ფაქტი.
მათივე ინფორმაციით, ძალადობისა და ფიზიკური ანგარიშსწორების ფაქტები პოლიტიკური გაერთიანება „ერთიანი ნაციონალური მოძრაობის“ წარმომადგენლების მიმართ დაფიქსირდა.
”23 ივლისს, აღმაშენებლის გამზირზე „ევროპული საქართველოს“ მიერ ორგანიზებულ აქციაზე არსებობდა ძალადობის გარკვეული რისკები, თუმცა პოლიციამ უზრუნველყო იქ მყოფ პირთა უსაფრთხოება, რაც პოზიტიურ შეფასებას იმსახურებს”, – ნათქვამია ანგარიშში.