გარემოვაწრეები ამ წუთებში ზუგდიდის მერიის წინ არიან შეკრებილები და ადგილობრივ ხელისუფლებასთან შეხვედრას ითხოვენ.აქციის მონაწილეები აცხადებენ, რომ თუ მერიის სამსახურთან შეხვედრას ვერ შეძლებენ, ისინი გადაინაცვლებენ ქართული ოცნების შტაბთან და იქ გამართავენ აქციას.ადგილზე მობილიზებულია პოლიცია. შეგახსენებთ, რომ ზუგდიდის ცენტრალური ბაზრის გარეპერიმეტრზე გარემოვაჭრეების დახლები წუხელ აიღეს, რასაც მოვაჭრეებსა და მერიის ზედამხედველობის სამსახურს შორის დაპირისპირება მოყვა.ისინი ამბობენ,ამის შესახებ გაფრთხილებული არ ყოფილან, ნუკრი ესართიას განმარტებით, მერიას შემოგზავნილი ყავდა ხალხი, რომლებმაც გარემოვაჭრეები დახლების აღების თაობაზე გააფრთხილეს. გარემოვაჭრეებმა აქციები მაისშიც გამართეს.მოვაჭრეები აპროტესტებდნენ მერიის მოთხოვნას, რომლის მიხედვითაც, მათ აღნიშნულ ტერიტორიაზე ვაჭრობა ეკრძალებოდათ და ალტერნატიულ ტერიტორიაზე მოუწევდათ გადანაცვლება.გარემოვაჭრეები მაშინ აცხადებდნენ, რომ მერიის მიერ შეთავაზებულ ალტერნატიულ ტერიტორიაზე არ შევიდოდნენ.