ამერიკის ხმის ქართული რედაქციის ჟურნალისტი ნანა საჯაია "ამერიკის ხმამ" ოქროს მედლით დააჯილდოვა

Voice of America – VOA – ეს ყველაზე პრესტიჟული ჯილდოა, რომლითაც რედაქციას ჟურნალისტის დაჯილდოება შეუძლია.სწორედ ამ ჯილდოთი დააჯილდოვა "ამერიკის ხმის" ქართველი ჟურნალისტი ნან საჯაია რედაქციამ.ოქროს მედლის ნომინანტებს თანმშრომლები ასახელებენ , შემდეგ კი ხმის მიცემა ხდება. არჩეული კანდიდატების ვინაობა საბოლოოდ ოქროს მედლის შესარჩევ ჯგუფს ეგზავნება და საბოლოო გადაწყვეტილებასაც ისინი იღებენ. ოფიციალური დაჯილდოების ცერემონიალი ნოემბერში გაიმართება.ნანა საჯაია წარმოშობით ზუგდიდელი, ის ჟურნალისტიკის და მედია მენეჯმენტის, ასევე მასობრივი კომუნიკაციების მაგისტრია. სხვადასხვა დროს იყო ინგლისურენოვან გაზეთ Georgia Today-ს რედაქტორი, ჟურნალ ლიბერალის ვებ რედაქტორი და რადიო „ცხელი შოკოლადის“ მთავარი რედაქტორი. თანამშრომლობდა საერთაშორისო მედია ორგანიზაციებთან როგორიცაა BBC, France24 და TOL (TransitionsOnline).2010-2014 წლებში იყო მედია მენეჯმენტისა და მედიის კვლევის მიწვეული პროფესორი თბილისის სახელმწიფო უნივერსიტეტში, კავკასიის მედია სკოლასა და საქართველოს საზოგადოებრივ საქმეთა ინსტიტუტში (GIPA). 2013-2014 წლებში იყო საერთაშორისო გამჭვირვალობა საქართველოს მედია ანალიტიკოსი.„ამერიკის ხმა“ აშშ–ის მთავრობის ოფიციალური საგარეო, სამაუწყებლო ქსელია. VOA ინფორმაციას გადასცემს 46 ენაზე, რადიოსა და ტელევიზიის საშუალებით მთელი პლანეტის მასშტაბით (აშშ–ს ტერიტორიის გარდა). მისი სიხშირეების ტრანსლირება ხდება თანამგზავრების საშუალებით, ასევე – FM, AM და მოკლეტალღური რადიო დიაპაზონებით.

ამერიკის ხმის ქართული რედაქციის ჟურნალისტი ნანა საჯაია “ამერიკის ხმამ” ოქროს მედლით დააჯილდოვა

სიახლეები

მანანა ანდღულაძე მიხაილო პოდოლიაკის ძმის შესახებ გავრცელებულ ინფორმაციას ეხმიანება

“ასავალ-დასავალის” ჟურნალისტის, დიტო ჩუბინიძეს სტუ-ში ლექტორის უფლებამოსილება შეუჩერეს

შოიგუ-ოცნებამ 2024-ში გადატრიალება აღკვეთა და ეროვნული ინტერესების დაცვის კურსი აიღო

სოფელ შამგონაში ავტომობილს ცეცხლი გაუჩნდა – გარდაცვლილია ერთი ადამიანი