პრემიერი: “შეიძლება შევქმნათ ფონდი, სადაც, ჩვენი მეგობრების მონაწილეობით, ისევე გავალამაზებთ ამ ბუნებას”

0
376
პრემიერ-მინისტრის გიორგი კვირიკაშვილის განცხადებით, დანაკარგი მძიმეა, მაგრამ  განადგურებული ტყე-პარკის აღდგენა მოხდება. “გული არ გავიტეხოთ, როგორც ერთობლივად ვებრძვით სტიქიას, ისე ერთობლივად აღვადგენთ”, – ამის შესახებ საქართველოს პრემიერ-მინისტრმა, გიორგი კვირიკაშვილმა განაცხადა.
 
„ჩვენმა მეზობელმა ქვეყნებმა გაგვიწიეს დახმარება, აზერბაიჯანმა, სომხეთმა, თურქეთმა, ბელარუსმა. უნდა ვთქვა, რომ ჩვენი მეგობრებისგან ყოველ წუთს მოდის შემოთავაზება დახმარებაზე. ჩვენ ამ სტიქიას ერთობლივად დავამარცხებთ. ჩვენ კიდევ ბევრი გვაქვს სამუშაო, სანამ ცეცხლი ბოლომდე არ ჩაქრება, შტაბი გააგრძელებს მუშაობას.
 
ერთობლივი ძალებით აუცილებლად დავამარცხებთ ამ სტიქიას და მეორე დღიდანვე დავიწყებთ მუშაობას, რომ ეს ტყე-პარკი აღვადგინოთ. დანაკარგი მძიმეა, მაგრამ გული არ გავიტეხოთ, როგორც ერთობლივად ვებრძვით სტიქიას, ისე ერთობლივად აღვადგენთ. შეიძლება შევქმნათ ფონდი, სადაც, ჩვენი მეგობრების მონაწილეობით, ისევე გავალამაზებთ ამ ბუნებას, როგორც ამ ხანძრამდე იყო. დიდი მოცულობით ფართობი დაიწვა, ჩვენ ამ სტიქიას ბოლომდე დავამარცხებთ და აღვადგენთ ტყე-პარკს“, – განაცხადა კვირიკაშვილმა.
წინა სტატიასაქართველოს ბანკი მილიონ ლარს დამწვარი ტერიტორიების აღდგენისა და ხანძრის პრევენციისთვის გამოყოფს
შემდეგი სტატიაშეკვეთილში ავარიის შედეგად 28 ადამიანი დაშავდა
ტელეკომპანია ოდიშის საინფორმაციო სამსახური