პარლამენტმა დაამტკიცა პრეზიდენტის ბრძანება საგანგებო სიტუაციაში საქართველოს სამხედრო ძალების გამოყენების შესახებ

0
406
პარლამენტმა  დღეს  ქუთაისში განართულ რიგგარეშე სხდომაზე  დაამტკიცა პრეზიდენტის ბრძანება საქართველოს სამხედრო ძალების გამოყენების შესახებ საგანგებო სიტუაციაზე რეაგირების მიზნით.  
 
პრეზიდენტის ბრძანება პარლამენტის რიგგარეშე სხდომაზე პრეზიდენტის საპარლამენტო მდივანმა ანა დოლიძემ წარადგინა.
 
 ბრძანებას მხარი 116-მა დეპუტატმა დაუჭირა. წინააღმდეგ არც ერთი წასულა. 
 
საქართველოს პრემიერ-მინისტრმა გიორგი კვირიკაშვილმა პრეზიდენტ გიორგი მარგველაშვილს ქვეყნის რეგიონებში გაჩენილი ხანძრის ლიკვიდაციის მიზნით, “სამხედრო ძალების გამოყენების წარდგინებით” გუშინ მიმართა. ამ საკითხზე გიორგი კვირიკაშვილსა და გიორგი მარგველაშვილს შორის სატელეფონო საუბარი შედგა. 
 
საქართველოს სამხედრო ძალების უმაღლესმა მთავარსარდალმა საგანგებო სიტუაციაზე რეაგირების მიზნით საქართველოს სამხედრო ძალების გამოყენების შესახებ ბრძანება გუშინვე გამოსცა. 
 
აღსანიშნავია, რომ სამხედრო მოსამსახურეები გუშინვე ჩაერთვნენ ატენის ხეობაში ხანძრის სალიკვიდაციო სამუშაოებში.
წინა სტატიაოკუპირებული აფხაზეთის დელეგაცია სირიაში ბაშარ ასადის რეჟიმის მაღალჩინოსნებს ხვდება
შემდეგი სტატიადღეს უკრაინის სახელმწიფო დროშის დღეა. სოფიის მოედანზე დროშა ქართველმა პოლკოვნიკმა აღმართა
ტელეკომპანია ოდიშის საინფორმაციო სამსახური