მიუხედვად იმისა, რომ სოფელ დაბასთან ბოლო წუთების ინფორმაციით ცეცხლის ახალი კერები ჩნდება, ხანზრის საბოლოოცაქრობას უკეთესი პირი უჩანს, თუმცა მოსახლეობა შეშფოთებით ადევნებს თვალს როგორც ცეხლის, ისე დაკვამლიანების სიძლიერეს.

 

ბორჯომის მუნიციპალიტეტში, ხანძრის  ზონაში ჰაერის ხარისხი შემოწმდა და მისი ყველა კომპონენტი ზღვრულად დასაშვები ნორმების შესაბამისობაშია, – აცხადებენ   გარემოსა და ბუნებრივი რესურსების დაცვის სამინისტროს გარემოს ეროვნული სააგენტოში. –  სააგენტოს სპეციალისტები ხანძრის გავრცელების ზონის  მიმდებარე სოფლებში, კერძოდ, ცემში, სადგერში, დაბაში, წაღვერში, ტბასა და ყვიბისში, ასევე, დაბა ბაკურიანსა და ქალაქ ბორჯომში ჰაერის ხარისხის კვლევა განახორციელეს.

 

„კვლევების შედეგად გაიზომა ჰაერში მყარი შეწონილი ნაწილაკები, აზოტის დიოქსიდი და ნახშირჟანგი. აღნიშნული კვლევების შედეგად ყველა კომპონენტი ზღვრულად დასაშვები ნორმების შესაბამისობაშია“, – ნათქვამია ინფორმაციაში.

 

როგორც გარემოს ეროვნულ სააგენტოში აცხადებენ, ჰაერის ხარისხის შემოწმება სტიქიის ზონის მიმდებარედ, სხვა დასახლებულ პუნქტებშიც მიმდინარეობს.