ვინ და რატომ აგზავნის ქართველ ბავშვებს ოკუპირებულ ყირიმში?

0
403
საქართველოს ყოფილი პრეზიდენტი მიხეილ სააკაშვილი იმ ფაქტს გამოეხმაურა, რომ თბილისის 166-ე საჯარო სკოლის ექვსი მოსწავლე რუსეთის მიერ ოკუპირებულ ყირიმში რუსული ენის გასაუმჯობესებლად გაემგზავრა. 
 
„მაშინ, როდესაც უკრაინაში ჩამოსული, მათ შორის ჩემი მოწოდებით, ქართველი სამხედროები უკრაინის დაცვას განაგრძობენ დონბასში აგრესიის წინააღმდეგ, რუსი ოლიგარქის ივანიშვილის ქართული რეჟიმი, რომელიც ჩემს წინააღმდეგ პოროშენკოს აქტიურად დაუმეგობრდა, ბავშვებს ოკუპირებულ ყირიმში აგზავნის რუსული პროპაგანდის გასახარად“, – დაწერა მიხეილ სააკაშვილმა „ფეისბუქის“ პირად გვერდზე. 
 
თბილისის 166-ე საჯარო სკოლის ექვსი მოსწავლე რუსული ენის გასაუმჯობესებლად ყირიმში, „არტეკის“ საერთაშორისო საბავშვო ცენტრში გაემგზავრა.
 
სკოლის მოსწავლეებისათვის და პედაგოგებისთვის პირველი საერთაშორისო გაცვლა რუსულ ენაში „არტეკში“ 7 აგვისტოდან 27 აგვისტომდე ტარდება. აღნიშნული ღონისძიების ორგანიზატორია რუსული ენის საბჭო, რომელიც რუსეთის მთავრობის ფარგლებში ფუნქციონირებს. 
 
ღონისძიებაში 26 ქვეყნის წარმომადგენელი, 20 პედაგოგი და 170 სკოლის მოსწავლე მონაწილეობს.
წინა სტატიაამ დროის მონაცემებით, ბორჯომის ხეობაში ხანძრის გავრცელების ორი კერა რჩება
შემდეგი სტატიაადგილობრივი თვითმმართველობის არჩევნები 21 ოქტომბერს ჩატარდება
ტელეკომპანია ოდიშის საინფორმაციო სამსახური